شبشب علم مصر"بـ 15جنيه بس .. يا بلاش

يا انسه
الموضوع ده يعتبر اكبر دليل على الجهل اللى احنا فيه
مبدائيا الوطنيه و الحب للوطن و الانتماء ليست من الراكز او الاولويات بالنسبه للانسان المصرى
معاكوا انى فى بجد ناس بتحب بلدها و ان كانت قليله بس الصمت مضيع ديمقراطيه البلد
انتى دلوقت لفت نظرك شبشب مرسوم عليه علم مصر
فما بالك من احوال المصريين انفسهم
المصرى اصبح غريب فى بلده
و اراهن انى فى ناس كتيره مش معاها ال 15 جنيه اللى تجيب بيها الشبشب ده
يعنى المجتمع المصرى الان طبقا الطبقاته الاقتصاديه و الماديه
ينقسم الى طبقتين هما الاغنيا و كبار الدوله و الطبقه الثانيه الموظفين و الفلاحين و الصناع و الفقراء
غلو الاسعار
كتير هيقول انى غلو الاسعار ده حصل فى جميع دول العالم لكن لى سؤال
ما هى المجهودات التى قامت بها الحكومه للحد من غلو الاسعار؟
زياده المرتبات اللى انا لغايه دلوقتى مش عارفه تاخدها ولا اللى اساسا الدوله مش عارفه تجمعها

فى دول كتير قامت ببعض المجهودات للحد من ارتفاع اسعار السلع الغذائيه و بالفعل نجحت بفضل اقتصادها القوى او اعتمادها على اساليب علميه فى اداره الاقتصاد
اما فى مصر فمازال العد مستمرا لغلو الاسعار

اسف انى توغلت كثيرا فى موضوع غلو الاسعار
ولكن الاهم عندى هنا
لو اتينا بانسان و قمنا بتربيته من عمر سنه حتى صار عنده 20 سنه و من عمر 20 سنه تبدل الحال و اصبحنا نعامله باشد قسوه و نعطيه القليل من المال الذى لا يكفيه فى تحركاته
فاعتقد ان ابسط نتيجه لذلك ان الولد سيعلن عصيانه على والديه و مش بعيد يهرب او ينحرف

و ده بالضبط م المجتمع الكبير اللى هو الدوله

لما يكون جميع وسائل الراحه مش موجوده ولا يوجد حتى مرتبات تكفى المواطنين او تسد احتياجاتهم الاساسيه خلال الشهر
فلماذا اذن ننتظر ان يكون هناك انتماء للدوله؟.
و من حق اى مصرى ان يصنع و بكل فخر جذمه ملونه بعلم مصر مش شبشب؟!!!

بس مصر ملهاش اي دخل يا ميدو في غلو الاسعار والظلم اللي احنا فيه وكمان مش هي سبب عدم المساواه والفروق بين الطبقات
مصر هي البلد اللي انت فيه وعايشه جواه وبتشرب من ميته بغض النظر عن ان كانت الميه ده بفلوس او لا
مصر ادتنا كتير ومهما حصل من اي حد هو المسئول مش مصر مصر ده بلدنا وابسط حقوقها علينا اننا نحبها ومش نشجع اي حاجه تضرها
زي نشر موضوع الشبشب والتريقه علي مصر المفروض اننا نرفعها فوق اي حاجه مش نخليها في الارض او نساعد في ده

انا مع روبى و كلامك بجد جميل و مقنع تماما
و انا بحب مصر اوىىىىىىىىىىىىىىى و بزعل اوى و بضايق لما الاقى حاجات زى دى موضوع الشبشب ده
يا خسارة بجد و فعلا ده التخلف كل حاجة بيحولوها لتجارة
حاسو ان الشباب بدأوا يهتمو بمصر و رفع علمها فى المبارايات فقالو نعملهم شبشب و نكسب............يا ساتر
بس هما متخلفين فعلا ازاى ازااااااااااااااى؟ علم بدلنا نلبسه فى رجلنا؟؟؟؟؟؟

بس بردو فى ناس كتير عندها انتماء جامد اوى لمصر مهما بيحصلهم و يشوفوا
و الدليل على كده فى كأس الامم الافريقية كبير و صغير....بنات و اولاد....أغنياء و فقراء....كانوا بيشجعوا من قلبهم و فرحوا بجد لما كسبنا
انا عايزة اوصل بس ان مصر جميلة اوى و فيها ناس كتيرة بتحبها و اكيد مش هيرضوا بالمنظر ده!!!!!!!

كلامى ما كنش عن مصر كدوله اما انا باتكلم مصر كاشخاص يعنى فين الوزير المسئول عن المواصلات و ازاى انا بشوف كميه الناس الرهيبه اللى بتكون منتظره الاوتوبيس و لما يجى كمان مش بيلاقوا مكان على السلم يقفوا عليه
فين وزير الاسكان : اللى بيقول عملين مساكن للشباب و حتى لو الكلام ده صحيح اى شاب دلوقت ممكن انه يعيش جوه شقه تعتبر 50 او 40 متر يعنى يا دوب يمد ايده يطول المطبخ و بالايد التانيه البلاكونه ......ده اذا كان فيها بلاكونه اصلا
فين وزير التعليم : و عن مشاكل التعليم المختلفه من دروس خصوصيه و عنف الطلاب ضد المدرسين و عنف المدرسين ضد الطلاب و الاهم من كده انى قريت خبر طالب كان نفسه يسقط عشان يحسن و يجيب درجات اعلى فى السنه المقبله فكتب اسئله الامتحان فقط فى ماده الاحصاء فكانت النتيجه انه الحمد لله منجح و جاب 24 من 50 فى الاقتصادو الاحصاء بجد هم يضحك فين هذا الوزير من المدارس الغير كامله المرافق من مقاعد متهالكه و جدران مشروخه و سبوره مكسوره
فين وزير القوه العامله : اللى بيقول بوفر فرص عمل بالالاف و تلاقيه من كلامه انه انهى على مشكله البطاله و لكننا نكتشف ان معدل البطاله فى زياده مش نقصان

وفين وفين و فين......
ولامتى هنفضل كده نبحث عن اشخاص صح لمكانها الصح

انا كان قصدى فى الرد على موضوع الانسه ريرو انى فى ناس كتير غلط محطوطه برضه فى مكان غلط و كنت بانظر لمصر كرئيس و وزراء ومسئولين
عارف انى كل واحد منا بيحب بلده كدوله لكن بيضايق من اللى بيحصل فى بلده من تصرفات المسئولين و الوزراء و الحاكم

ههههههههههههههههههههههههههههههههههههههه
والله انا مبسوط اوووووووووووووى علشان فى شباشب مصرية بس ياترى فى حد جبها ؟؟؟؟؟؟؟؟؟ ام اشتراها ؟؟؟؟؟؟؟؟؟؟؟؟
انا مش عارف اقول ايه لهذا الشبشب العجيب الغريب وهو الشبشب المصرى الناس حيلبسوه بالمشقلب
الناس باقت تمشى تكلم نفسها من كتر الحاجات اللى بتغلى على الفاضى ولا ليها اى لازمة
ويقولك ده قانون ............ قانون ايه بس دى مصر من اغنى الدول فى العجز والفقر هههههههه
بس اقول حاجة الشبشب شكله حلو ومريح وعجبنى والله شكله دى اخرة مصر اللى هى تتمشى بيها شوية فى الشوارع
نفسى بس الاقى قانون عدل من شخص عدل لهذه البلد اللى مافيهاش حد عدل غيره بس (...............)وانتول طبعا عارفين مين هذا الشخص
وفى اخر كلامى احب اعرفكوا بجناب سيادتى انا الرئيس محمد انور السادات وياريته كان موجود حاليا كان يصلح حال البلد احسن .......... حقول ايه ادى الله وادى حكمته
يارب يعنا ونستحمل كل اللى بيحصلنا ده

مع تحيات سيد سيكا الريس

معاك يا ميدو ان في حاجات كتير في مصر عاوزة تتغير وحاجات كتير غلط بس ده كله يتصلح بينا احنا مش هنتقف نفول الصح والغلط وده كان المفروض يعمل ومعملش والصح ان كان يحصل ده بس ما حصل وكمان نستنا حد يحل المشكله لينا المشكله فينا احنا مش في اي حد غيرنا لو كل واحد بجد حب مصر بجد ومن قلبه هيكسر العالم علشان يرفعها مش نستنا اللي يحصل ونقول عليه اللي يحصل يحصل بس بثبت اننا بنحبها ونضيها حقها ونحافظ عليها وده من اننا الاول نبقا حاجه فيها علشان نقدر نرفعها وكمان انا عاوز اقولك يا منوس احنا حبنا لمصر مش باين بس في الكره اسالي اي حد لو جه محتل علشان ياخد مصروشوفي راي الشباب