رباعيات جاهين 2
4 مشترك
»--(¯`v´¯)--».::El-FaNaN 17M::.«--(¯`v´¯)--« :: .:::منتدى الأدب والـشـعــــــــر:::. :: الفنان 17 للـشـعــــــر الـشـعـــــبي
صفحة 1 من اصل 1
رباعيات جاهين 2
ورا كل شباك ألف عين مفتوحين
و انا وانتي ماشيين ياغرامي الحزين
لو التصقنا نموت بضربة حجر
و لو افترقنا نموت متحسّرين
عجبي
نوح راح لحاله والطوفان استمر
مركبنا تايهه لسه مش لاقيه برّ
آه م الطوفان وآهين يا بر الأمان
إزاي تبان والدنيا غرقانه شرّ
عجبي
على رجلي دم.. نظرت له ما احتملت
على إيدي دم.. سألت ليه؟ لَمْ وصلت
على كتفي دم.. وحتى على راسي دم
أنا كلي دم.. قتلت؟.. ولاّ اتقتلت
عجبي
ينبوع وفي الحواديت أنا سمعت عنه
إنه عجيب.. وف وسط لهاليب.. لكنه
شقيت كما الفرسان طريقي.. لقيت
حتى الخنازير والكلاب شربوا منه
عجبي
ياقرص شمس مالهش قبة سما
ياورد من غير أرض شب ونما
ياأي معنى جميل سمعنا عليه
الخلق ليه عايشين حياه مؤلمة
عجبي
شاف الطبيب جرحي وصفله الأمل
وعطاني منه مقام يادوب ما اندمل
مجروح جديد ياطبيب وجرحي لهيب
ودواك فرغ مني.. وإيه العمل؟
عجبي
أعرف عيون هي الجمال والحسن
واعرف عيون تاخد القلوب بالحضن
وعيون مخيفة وقاسية وعيون كتير
وباحس فيهم كلهم بالحزن
عجبي
إيش تطلبي يانفس فوق كل ده
حظك بيضحك وانتي متنكده
ردت قالت لي النفس: قول للبشر
ما يبصوليش بعيون حزينة كده
عجبي
إقلع غماك يا تور وارفض تلف
إكسر تروس الساقية واشتم وتِف
قال: بس خطوة كمان.. وخطوة كمان
يااوصل نهاية السكة ياالبير تجف
عجبي
ياحزين ياقمقم تحت بحر الضياع
حزين أنا زيك وإيه مستطاع
الحزن ما بقالهوش جلال ياجدع
الحزن زي البرد.. زي الصداع
عجبي
انا كل يوم أسمع.. فلان عذّبوه
أسرح في بغداد والجزاير واتوه
ما أعجبش م اللي يطيق بجسمه العذاب
واعجب من اللي يطيق يعذّب أخوه
عجبي
مع تحيات سيد سيكا
رد: رباعيات جاهين 2
انا عندى كتاب فى كل اعمال صلاح جاهين
yoyo-
عدد الرسائل : 4
المكان : cairo
الوظيفه : student
نشاط العضو :
تاريخ التسجيل : 24/05/2008
رد: رباعيات جاهين 2
كل حاجات صلاح جاهين جميلة
aaa- مساعد المدير
-
عدد الرسائل : 518
العمر : 31
المكان : cairo
الوظيفه : طالب
نشاط العضو :
تاريخ التسجيل : 09/08/2007
رد: رباعيات جاهين 2
جميله اووووووي
roby- عضو رائع
-
عدد الرسائل : 124
العمر : 35
المكان : القاهرة
الوظيفه : طالبه بالحاسبات والمعلومات
نشاط العضو :
تاريخ التسجيل : 26/07/2008
»--(¯`v´¯)--».::El-FaNaN 17M::.«--(¯`v´¯)--« :: .:::منتدى الأدب والـشـعــــــــر:::. :: الفنان 17 للـشـعــــــر الـشـعـــــبي
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى