لعبه الصـــــراحه

.

مضمون اللعبه :


هو اشد موقف محرج حصل لك او اتعرضت ليه و ما تحكيش عن اصحابك لازم يكون انت اللى مريت بالموقف ده؟! [center]

اكتر موقف كنت محرج فيه حصل لى
كنت فى الجامعه و كانت فى محاضره من 4 الى 6
و كان فى 3 بنات اعرفهم المفروض انهم جوه بيحضروا و كنت ماشى من الجامعه راجع البيت و عديت على المدرج اللى بيحضوروا فيه بس لاقيتهم واقفين بره
دخلت و بقلب جااااامد بقولها ايه يا فاشله مش بتحضرى ليه ولا اطردتى زى كل مره
و مديت ايدى اسلم عليها.....
بس العجيب انها رديت عليا تقولى : انت تعرفنى منين ؟ و كان ردها باستغراب شديد
بصيت لوشها جاااااااامد اوى و اتاكدت انى دخلت على 3 بنات شبه ال 3 بنات اللى اعرفهم بالضبط سبحان الله الثلاثه توءم....
رحت اعتذرت لها بكل ادب و فهمتها سوء التفاهم
رديت عليا و قالت : عادى ولا يهمك كلنا فى جامعه واحده و ده يحصل كتير
و من يومها بقيت لازم اتاكد من الانسان اللى هروح اسلم عليه الاول او استنى هو اللى يسلم عليا
هههههههههههههههههههههههههههههههههههههه
على فكره انا بعد كده اتعرفت على البنات اللى حصل معاهم كده و رحت عرفتهم على البنات اللى انا اعرفهم من الاول بجد ما كنوش مصدقين نفسهم لانهم كانوا يشبهوا بعض اوى

شكلكوا مكسوفين تكتبوا احرج موقف وقعتوا فيه
و علشان انا الحمد لله شجاع هاقولكم على موقف تانى حصللى السنه دى
كنت فى الجامعه و كان معايا بنت اللى اسمها ريرو
و شويه و اختفت عن عينى
بس لقيت بنت واقفه ولابسه نفس لبسها بنفس الالوان
رحت جريت عليها و لسه هاقول لها انتى اختفيتى فين يا جذمه
لاقيت واحده تانيه شكلها سورى "وحش" اوى
ساعتها اتخضيت بجد و رحت قولتلها بتلقائيه "هو انتى نقلتى جدول انتظام؟"
رديت "لا"
قولتها " اسف كنت بحسبك انتظام " و سبتها و مشيت و انا بدعى ربنا انها طلعت انتساب
والا كنت غصب عنى هاقعد معاها انقل جدول انتظام
و اول ما مشيت لقيت الدزمه "ريرو" واقفه مستنيه ورا مدرج 3

**صدفه غريبه**
الموقف المحرج اللى حصللى المره اللى قبلها كان عند برضه مدرج 3؟!!!!
و كأن المدرج ده غاوى يقرفنى و ينكد عليا...

انا مش هاحضر فيه تااااااااااااااااااانى

ايه يا جماعه فيييييييييييييييين المواقف المحرجه بتاعتكم ولا كلكم ملاك
و عايز اشوف كمان ردودكم على الموضوع

هههههههههههه ايه يا ميدو المواقف كلها غير انها عند مدرج 3 لكن كمان مع البنات ايه انت مش تعرف غير بنات بس واصحابك كلهم بنات ولا ايه يا ميدو

و الله يا ميدو احنا لو اتكلمنا على المواقف المحرجة فهى كتييييييييييييييييييييييييييييييير
يعنى مثلا دى بتحصل كتييييييييير مش معايا انا بس اعتقد مع كل الناس بس بجد بتحرج اوى لما تحصل فيا و هى انى لما اسلم على حد و اجى اديلو kiss الاقيه مشى
بس اكيد صحابى مش بيكونوا قصدين بس بتحرج طبعا